عمل الجمبري المسلوق

نجيب خلة اسنان ونجيب الجمبري ونيجى عند سلسله الظهر من النص وندخل خله الاسنان بالشكل اللي في الصورة ونسحب لفوق عشان نطلع الكيس الرملى الموجود في الظهر
نخلص كل الكمية ونغسله كويس بخل وليمون ونصفيه ونحط عليه كمون وكزبره وملح ونتبله لمده نصف ساعة.

نجيب الصينية اللي هنعمل فيها او اي ووك غويط(طاسة) ننزل بالزيت يسخن ننزل بالبصل يتشوح خمس دقائق.

ننزل عليه بالثوم يادوب يغيروا لون بسيط.

ننزل بالجزر ونقلب دقيقتين.

ننزل بالفلفل الالوان ونقلب

ننزل بالطماطم ونقلبهم.

ننزل بالبهارات كلها ونقلبهم ونحط المياه ونسيبهم يستوي خمس دقائق.
ممكن لو عاوزين شوربه زودوا المياه براحتكم

بعد مرور خمس دقائق ننزل بالجمبري ونقلبهم ونغطي الصينية ونسيب الجمبري والخضار يستوي كويس على نار هادئة مده لا تزيد عن 15 دقيقة عشان الجمبري لو فضل على النار كتير لحمته بتشد وتبقى زي الكوتش

في طبق التقديم يرص ويقدم