الشعر هو كلمات ادبية يعبر من خلاله عن الحب والاهتمام بالمحبوب واليكم مجموعة من شعر حب ونبطى الذى يعبر عن معنى العشق والغرام
شعر حب نبطي
حبيبي نام يا عمري
حبيبي نام يا عمري على صدري وصارحني
وفضّ الصّمت باحساسك وخلّ الحبّ لي يجري
وفضفض لي بعد عمري وعاتبني وفهمني
أنا أطري على بالك كثر ما أنت عليّ تطري؟
تعال أقرب من أحضاني ترى خدّك مواعدني
يبي يلامس شغف روحي ويقطف بوحي من شعري
تعال أنثر هنا ليلك وخلّ ويلك يولّعني
أنا أحبّك وأبي قربك ترى منّي قضى صبري
أنا نبضك زهر أرضك وأنت؟ إيه تملّكني
بنحل خصرك..جمر ثغرك وزود بلونك الخمريّ
تتوهّني تغرّقني ومن بردك تدثّرني
وتبكي لي وتشكي لي وله قلبك ومن سحري
أبي دموعك مع أنفاسك بصدق الود تحرقني
وأبي عطرك مع سحرك وآهك بالحشا تسري
أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري
وأبي عهدك مع وعدك وأبي كلك تسلمني
أبي أيدك تسافر بي وزهر قدك يلحفني
وأهيم بعالمك عاشق جنوني أنت وأنت بي تدري
تشوف الجمر بعيوني؟ تشوف الشوق جنني؟
أجل تدري مثل ما أدري بأنك حلمي يا بدري
حبيبي قوم وصارحني عن احساسك وعلّمني
أنا أطري على بالك؟ كثر وما أنت علي تطري؟
ابيات شعر رومانسية جميلة
بعض العرب حبّه يوردك الجنون
ولا يوصف له غلاه حكاك له
ما يقنعه وصف الغلا لو وش يكون
لو كل حرف بالحرير إيحاك له
الموت جاك وهو تقلبه الظنون
ولا لك إلا الصّبر وش وداك له
إن قلت ضايق قال هونها تهون
ما يدري إن ضيقتك له وإبكاك له
تقعد تحبه وأنت ساكت ومغبون
يمكن بيوم يقاله موفاك له
وكأنّك مشكك هو يمون أو ما يمون
تخيّل إن عفت الصّبر فرقاك له
غلاه من فوق الغلا ماهو بدون
وحكاه سمعك يجبرك برخاك له
ودّك تحطّه فالعيون من العيون
وتبسط على رمض الثرى يمناك له
وتظلّه من الشّمس في ظلّ الجفون ولا يمر أُذنه سوى لباك له
وتسج من غير لو أنّهم يذكرون
ومنين ما سجت القدم ممشاك له
غروٍٍ يميله الترف ميل الغضون
غصنٍ ليان ومكرمه بسكاك له
وجديله إلا أقفى ستر منه المتون
كني بريحه لا اتلفت لدعاك له
كيك وعسل لكن ماهو في صحون
ودعاك من عين الحسود غطاك له
الله لا يعطيه ناسٍ ينضلون
ويستر عليه من النحل لا يآكله
الوصف والتعبير في وصفه يخون
غير إطلب الله يستجيب دعاك له
وعذال قلبك في محبته يهبون
سكينهم عن قطع حبله حاك له
ناس عن أعراض العرب ما يعرضون
ودايم على نفس الشكل والشاكله
اللي من لحوم الأوادم يآكلون
وحلوقهم دافع البلا متواكله
في سلمهم أولى بالأكل الاقربون
وأطيبهم اللي صيدته شكواك له
يدعيهم الشيطان للذنب ويجون
هذا يقطعله وهذاك يواكله
يا جعلهم فدوة ثرى الغض الفتون
اللي على الدرب الطويل خطاك له
طيفه إذا نام البشر زارك بهون
وطيفك إذا نام البشر سراك له
حبه دفان ومقبرة خضر الطعون
بين العظام العوج كنك ناكله
اللي كذا حبه ولو تموت مغبون
ولالك إلا الصبر وش وداك له
قصيدة عشق روعة للحبيب
تكفيني النّظرة
لأني لقيتك في خفوقي ولأنك
نفس الغرام اللّي يراود ظنينك
تكفيني النّظرة إللّي جات منك
ويكفيني من العمر لمسة يدينك
ويكفي عيوني لا فقدتك يجنّك
ويكفي أشوف إحساس قلبي بعينك
ظنّك برحل لا قسى الوقت ظنك!!
أنسى شعوري والخلايق تدينك!!
والله مهما قالوا الناس عنك
ومهما قسى وقتي وشحت سنينك
تبقى محلك داخل الرّوح كنّك
نبضة خفوق أحيت زوايا سجينك
