المحتويات
من هو بدر الحويفي
اسمه الكامل بدر بن عواد الحويفي المحمدي السالمي الحربي ، وهو من مواليد عام 1929 ، ولد في القصيم ، وتميز بكتابة الشعر العربي ، حتى أنه أصبح من أهم الشعراء في المملكة العربية السعودية .
عمل الحويفي موظفًا بأحد القطاعات الحكومية الخاصة بالزراعة ، لكنه بعد ذلك قرر ترك العمل ، والتفرغ لكتابة الشعر .
بدأت موهبة بدر الحويفي الشعرية في الظهور وهو في عمر الـ 16 عام ، حيث كتب آنذاك بعض القصائد الشعرية الغزلية ، وهو ما أبهر الأشخاص المحيطين به ، وبمرور الوقت أتقن الكتابة عن الطير والقنص ، وبرع في تأليف الشعر عنهما .
كما تحدثت قصائده عن الرحلات البرية ، وذاع صيته كثيرًا حتى أنه اكتسب قاعدة كبيرة من المنشدين الذين عشقوا التغني بقصائده ، وأصبح من أكبر شعراء المملكة .
وتوفي الحويفي في عام 2015 عن عمر ناهز 86 عامًا ، وقام أحد أبناءه بإصدار ديوانين ، يقومان على تجميع بعض القصائد الرائعة التي ألفها الشاعر على مدار مسيرته الأدبية .
قصيدة بدر الحويفي في الابل
كما أشرنا فإن الشاعر بدر الحويفي كانت له الكثير من القصائد الشعرية التي تتناول الحياة البرية ، وإليك واحدة من أروع القصائد التي قالها الحويفي في الإبل :
يا أهل النياق اللي عليهن تصكون من فضلكم لا تسجنون البهايم
ما فيه داعي للبهايم تحبسون خلو عطايا الله تذب الخرايم
يا ليتكم عن مشتراها تجوزون ولا تبعد عن صطول القمايم
أما عطوها حقها ولا تشحون ولا اتركوها مالكم بالظلايم
بحقوقها اللي وافية لا تعيون الله عطاها للصحاري قوايم
والبل بها شجعان نجد يتعزوون اللي وراها يجدعون العمايم
مقدارها عند المناعير مضمون يومنها بين القبايل غنايم
ليت الذي تحت المقابر يشوفون اللي عن البل جاهدوا بالعزايم
اللي بميدان المعارك يهوشون يوم الرمك تعطي هجوم وهزايم
هذا وأنا مالي على الناس قانون وجهة نظر ما أفرض عليهم لزايم
واللي عطوها حقها مايلامون بعناية البل مالحقهم لوايم
بدر الحويفي وجزاء الحربي
جزاء الحربي هو أحد شعراء قبيلة حرب التي ينتمي إليها أيضًا بدر الحويفي ، وفي يوما ما حدثت مجاراة شعرية بينهما ، حيث بدأ الحربي في كتابة بعض الأبيات الشعرية ووجها للحويفي ، ليرد عليه الأخير بأبيات أخرى ، وهو ما أثار إعجاب الكثير من عشاق الشعر في المملكة ، وإليك المجاراة كاملة .
قصيدة جزاء الحربي
يا بدر يا مشكاي هب الهوا غرب
وهبت علينا مع غياب الغروبي
هيفية يا مسندي تقلع السرب
صلف هواها واستشاط الهبوبي
وتصفق عله يابدر ناعم الترب
وعلي تصفق من شمال وجنوبي
والمعجزات العشر ماعنهن هرب
ولامن طريق لو بغيت الهروبي
ولو كان ليه مع نسم عجهن درب
لابد ما امشي مع هوا النود دوبي
هذا صحيح وكل شي مجرب
ولا من مفر والبشر له اعيوبي
وانا اتحملهن على العسر والكرب
وراع الادب لازم صبور وادوبي
ومواقفي يوم المثايل تعاقب
كل سمعني في طرايف لعوبي
لاكن يجينا هرج ناس تهرب
هرج هله ياسبقهم للهروبي
هرج جديد وبالضماير تشرب
لين استشمت ضربة في جنوبي
حكي وتفسيره علينا تضارب
وموجه يابدر صوبك وصوبي
والهرج يوم انه علينا تسرب
كل بعرفه دون حقه ينوبي
وانا عصايه راسها من عصا حرب
واعد نفسي من شباب الحروبي
واللي علينا يالحويفي تعرقب
لا يرمي الصيدة ولاسد نوبي
لاشك بعض العوج مالقي لها طب
ولا تنحمل وانا الضمير معطوبي
ولا بد راس الحيف ما يسطح الغرب
ليا تلته بارشاه خطو القصوبي
غير السباع اللي علينا تقانب
اللي تقانب في طوال الهضوبي
وانته وانا يابدر في راس مرقب
وانا معك وانته صعيب الدروبي
وش راي راسك يالشجاع المجرب
في بعض هرج مثل وصف الذهوبي
انا افتح الموضوع والا اتجنب
وش راي فكرك يا الأديب اللعوبي
وكان انت تامرني نشب الخبر شب
وانا على بدع المثايل طروبي
حنا نصب القاف من روسنا صب
من شان راع الهرج عنا يتوبي
وانا بري وانت للقاف تطرب
حيث انت تفهم في معاني اسلوبي
والشك والتهمة على لاحس الرب
وربه على روس الشوارب يذوبي
وان كان بعض الناس قام يتقلب
يابدر عرفي فيك حل الصعوبي
وانت حكيم وراس شلفاك تلهب
وراع الطنا منك يشق الجيوبي
يالحر يالقطاع يالذيب الاشهب
ياللي على خصمك تطق الكعوبي
وكان المدارى يابدر فيه مقضب
القلب من كثر المدارى يهوبي
واليوم كان انته تجنبت الاجرب
كثرت علينا الجرب من كل صوبي
وهذا وتسلم والسلامة من الرب
وعساك تسلم من جميع الذنوبي
قصيدة بدر الحويفي ردًا على الحربي
حي الجواب اللي لفاني مرتب
من شاعر وجه معانيه صوبي
ابيات جتني من حكيم مهذب
جبار ماهو مسنحاني نصوبي
يالماس يالفولاذ يالسيف الأحدب
لا قامت الحية تحك الجنوبي
يوم المحازم يابو صالح تكرب
لك ماقف عند الرجال محسوبي
وانا على داعي طلبك اتوهب
واللي سنحكم لامس كم ثوبي
ممنون يالسيف الصقيل المجرب
لانفخت ععمي الافاع الذروبي
لا قامت اصوات الضواري تجاوب
هذا يبا الغارة وهذا يحوبي
عندك قذايف من لمس صلوها شب
ومجهزة لمدورين النشوبي
ورحاك يطحن حيدها شاتل الحب
وسياتها لملقطين الحبوبي
وجهاز فكرك بالعدالة مركب
وخسران بعض الناس حق ووجوبي
وإن كان دبدوب دبا بيننا دب
حشم جنابك عن دبيب الدبوبي
لو خيلهم مع كل شارع تهاذب
سلاحهم بروق نبات الدعوبي
وطبوعنا من طبعهم ماتناسب
وتلقى عليهم لو تدور نقوبي
خشاش صيف للجحيم يتجاذب
جند عن النطق الجميل محجوبي
بكبودهم جمرة وبعيونهم شب
ويرقعون خلولهم بالكذوبي
لكن لهم عندي قذايف تزهب
يضرب هدفهن كل زول محصوبي
اخص ناس للمشاكل تواثب
تجار هرج مفرقين الحزوبي
ناس تبي روس البدايد تناشب
وهذي طبايع كل سبو سبوبي
واللي يبي جو الصداقة يخرب
ردي حظ وعن نحاه مغلوبي
يفرح ليا شاف القنابل تضارب
وش مقصده راع الحصان الهذوبي
يركض مع الغفلة ويجحر عن النب
وراسه على النطق الذميم معصوبي
متوهم في مخ راسه ومعجب
سماه غيم والتراب معروبي
وجهتها للي ليا جات رحب
جزا ولد صالح عزيز النسوبي
وبلغ سلامي كل شبل مذرب
وانت وكيل وبالنيابة تنوبي
اهد السلام لكل رجل مشبب
اللي بركن البادية واسمعو بي
والمعذرة كان أن بالقيل منقب
الكامل اللي مطلع بالغيوبي
حيث ان توي بالنشيد اتدرب
ان كان انا قصرت باللي هلوا بي
