ماهو التسمم الغذائى - موسوعة انا عربي

التسمم الغذائى او ما يسمى طبيا النزلات المعوية ينتج بسبب الاصابة بالبكتريا عن طريق تناول غذاء ملوث

التسمم_الغذائى مصطلح شائع جدا

, معظم الناس تعرفه أو سمعته , هو ميعتبرش مصطلح طبى على فكرة , المصطلح_الطبى الصحيح , هو ( النزلة_المعوية_البكتيرية) , مستغربين صح

أول مرة تسمعوا إن النزلة_المعوية, هى ذات نفسها التسمم الغذائى

أفهمكم

التسمم الغذائى ببساطة هو إن حد ياكل أكل_ملوث , فيه بكتريا

معينة أيا كان نوعها , فطبعا البكتريا دى تسبب عدوى بكتيرية فى الجهاز_الهضمى نتيجة السموم اللى بتفرزها البكتريا دى , وهو ده بالظبط تعريف النزلة المعوية البكتيرية.

إن حد يبلع بكتريا ممرضة مع الأكل أو الشرب أو تكون حتى فى إيديه نفسها زى ما بيحصل فى الأطفال الرضع لما يمصوا صوابعهم أو تستعمل فى تغذيتهم زجاجة رضاعة مش نضيفة أو لهاية مش نضيفة أو يحطوا لعبهم فى الفم مثلا .

دخول البكتريا

دى للجهاز الهضمى بيسبب أعراض مرضية طبعا

ارتفاع فى درجة_الحرارة : أوقات بيكون بسيط وأوقات ممكن توصل الحرارة 40 .

قىء .

إسهال .

ألام فى البطن :ممكن تكون بسيطة وممكن تكون شديدة على حسب نوع البكتريا ودرجة تحمل العيان للألم .

التسمم الغذائى غالبا بيكون بسيط, وبياخله يومين تلاتة ويعدى, لكن فيه أنواع من البكتريا

ممكن تكون خطيرة وتتسبب فى شلل الجهاز العصبى, زى التسمم اللى بيحصل بالفسيخ أو المعلبات منتهية الصلاحية .

كمان التسمم الغذائى ممكن يكون ببكتريا

تسبب للعيان مرض ممكن يستمر أسابيع أو شهور بيعالجه , زى التيفود مثلا .

أعراض التسمم الغذائى البسيطة اللى نعرفها كلنا , ممكن التعامل معاها

بمضادات التقلص .

مضادات القىء .

المطهرات المعوية اللى كلنا نعرفها .

دعم المصاب بالسوايل ومحلول معالجة الجفاف .

تخفيف الطعام لغاية ما الأعراض تنتهى .

إنما فى حالة كون الأعراض شديدة , وخاصة القىء والإسهال وإرتفاع الحرارة, هنا لازم المصاب يتنقل للمستشفى لأنه ممكن يموت بسبب الجفاف نتيجة فقد جسمه للسوايل والأملاح, فلازم يتم دعمه بالمحاليل لغاية ما تتم السيطرة على القىء والإسهال , كمان إرتفاع_الحرارة_الشديد ممكن يأثر على وظايف المخ والجهاز العصبى فلازم يتم السيطرة عليه .

كمان العيان هنا ممكن يحتاج لتحاليل لتحديد نوع البكتريا اللى سببت التسمم الغذائى علشان ياخدلها المضادات الحيوية اللازمة .

يعنى ببساطة العيان اللى أكل طعام ملوث لازم يروح مستشفى إذا

كان المصاب طفل أو مسن أو مريض بمرض مزمن أو ست حامل .

فشلت السيطرة على القىء بمضادات القىء .

حس بأعراض زى تنميل جزء من الجسم أو الجسم كاملا – صعوبة التنفس – ضبابية الرؤية – التشنجات العصبية – فقدان الوعى .

إرتفعت درجة حرارته فوق 38.5 .

أعراض التسمم الغذائى إستمرت لأكتر من 4 أيام .

وطبعا الوقاية خير من العلاج , والوقاية من التسمم الغذائى تتمثل فى الآتى

عدم تناول أطعمة مش مضمون نضافتها , وببساطة أى طعام معملتوش بنفسك متقدرش تضمن نضافته .

نبص على تاريخ صلاحية المعلبات قبل إستعمالها .

منستعملش سكينة تقطيع اللحوم ولا لوح تقطيع اللحوم فى تقطيع السلطة إلا لو اتغسلوا كويس بالمية والصابون .

نغسل خضروات السلطة والفواكه كويس جدا.

نسوى اللحوم كويس جدا , من بره ومن جوه .

نحفظ الطعام فى الثلاجة فى عبوات نظيفة محكمة الغلق .

نسخن الأكل البايت كويس ونقلبه أثناء التسخين أو نسخنه فى فرن تكون تسخينها شغال علوى وسفلى, علشان نضمن وصول الحرارة لكل أجزاء الأكل لمدة خمس دقايق على الأقل بعد غليانه .

تمنياتى للجميع بدوام الصحة والعافية