تحتار كل ام فى معاد وطريقة ادخال الطعام لطفلها وكيف تستبدل الرضاعة بالطعام فى هذا المقال نتعرف على ترتيب دخول الأطعمة اللي يخلي طفلك ياكل كل حاجة مع الوقت
١. #الحبوب (الأرز، القمح، الشوفان، الشيا)
و ميزة إدخالهم في البداية من اول الشهر السادس انه سهل نخلطهم باللبن سواء لبن الأم او الصناعي واللي طعمهم بيكون مستساغ للأطفال فالتغيير مش بيكون مفاجئ اوي 
٢. #الخضار (كوسة، جزر، ملوخية، بطاطس)
و ميزة إدخالهم من بداية الشهر السادس للسابع و قبل دخول الفواكه ، انك بتضمني ان ابنك مش بيتعود من البداية علي الطعم المسكر اللي يخليه يرفض الخضار بأنواعه بعد كدة 
٣. #الفواكه (تفاح، موز، عنب، برقوق)
و من بداية إداخله في اواخر الشهر السابع لازم تراعي انه يتقدم بكميات محددة بعد الوجة الرئيسية من الخضار ، لإن مينفعش اننا نتعود ناكل فاكهة بس علي انها وجبة اساسية و نعاني بعد كدة عشان ناكل خضار 
٤. #البروتين (الدجاج و بعض انواع السمك و اللحم)
و دول لازم نبدأ تقديمهم من منتصف الشهر الثامن او اول التاسع من عمر الطفل و في حالة رفضها ممكن نقدم شربتهم لحد ميبدأ الطفل يحب طعمهم وفي الوقت دا مينفعش تستعيني باللحوم الجاهزة المصنعة زي البرجر و الناجس لإنها بتحتوي علي مواد حافظة و الوان و مواد ممكن تسبب حساسية او تعود فيما بعد 
و احذري من انك تأخري تقديمهم او تستني لبعد السنة لإن البروتين الطبيعي بيساعد علي نمو عضلات الطفل و دا اللي بيساعده علي الحركة و المشي 
مع العلم 
* إن بداية إدخال الطعام و المياه بتكون من الشهر السادس.
مع مراعاه
*اختبار حساسية الطعام لجسم الطفل بتقديم نوع واحد في البداية و بكمية قليلة تسمحلنا بمعرفة الاطعمة المسببة للحساسية .
وانتبهي 
* انك لازم تقدمي نوع خضار او فاكهة جديدة كل ما لا يقل عن ٣ ل ٤ ايام عشان تكسري التعود .
و متنسيش 
* ان الرفض ممكن يستمر لعشر مرات او اكتر لحد م الطفل بيعتاد الطعم و دا مش معناه انه مش بيحب النوع دا و احذري كلمة مبيحبوش عشان هتتقال علي اي نوع اكل بعد كدة .
واهم حاجة
*الاكل مش بالغصب ولا بالزعيق و العقاب .
أشهر أسباب الامساك عند الرضيع
نادراً ما يصاب الأطفال الذين يعتمدون على الرضاعة الطبيعية بالإمساك بينما تكثر الإصابة بالإمساك عادةً في الأطفال الذين يتناولون اللبن الصناعي وذلك لقلة مستوى السكريات في التركيبة الصناعية، بينما تتميز تركيبة اللبن الطبيعي باحتوائها على نسب متوازنة من الدهون والبروتينات والسكريات والتي تستطيع معدة الطفل الرضيع هضمها بسهولة
