الاورام الليفية اسبابها وطرق علاجها

الاورام الليفية اسبابها وطرق علاجها ان من اشهر مشاكل الرحم التى تقابل المرأة هى الاورام الليفية التى تدور حولها العديد من التساؤلات وتشير اليها اصابع الاتهام للاصابة بسرطان الرحم

الاورام الليفية اسبابها وطرق علاجها

المحتويات

1 إيه هى أورام الرحم الليفية؟

إيه هى أورام الرحم الليفية؟

هى عبارة عن أورام بتنشأ من عضلات الرحم نفسها , من جسم الرحم يعنى , بعض خلايا عضلات الرحم , بتنقسم بشكل مبالغ فيه شوية , فتكون كتلة ورمية تطلع من جسم الرحم نفسه , لحم الرحم يعنى , وده هو الورم الليفى ,ممكن ياخد شكل تجمع ورمى فى جدار الرحم (كلكيعة ) , وممكن يبقى شبه الثمرة كده يعنى له عنق مرتبط بالرحم وطالع منه الورم ,ممكن يبقى ورم واحد وممكن يبقى عدد كبير من الأورام .

إيه نسبة إنتشار الأورام الليفية فى الرحم ؟

أورام الرحم الليفية منتشرة عند معظم النساء فى سن الإنجاب, مش هكون ببالغ لو قلت إن حوالى 80 % من النساء فى سن الإنجاب , عندهم أورام ليفية فى الرحم ,لكن الإحصائيات الفعلية بتقول نسبتها حوالى 50%.

إيه أسباب الأورام الليفية فى الرحم ؟

المعروف فى المسألة دى , إن إستجابة خلايا الرحم لهرمون الإستروجين الأنثوى , هو السبب الرئيسى لظهور أورام الرحم الليفية , لكن برضه مش شرط , فيه حالات قليلة منها حصلت فى نساء إنقطع عنهم الحيض , يعنى منقدرش نقول إن لها سبب معروف على وجه التحديد .

الاورام الليفية اسبابها وطرق علاجها

طيب بلاش الأسباب , هل فيه عوامل بتزود من فرصة إنها تحصل ؟

أها , فيه عوامل , زى مثلا

التاريخ العائلى , اللى فى عائلتها نساء أصيبوا بيها , بتزيد عندها هى فرصة الإصابة .

السن , على الرغم من إن الأورام الليفية ممكن تحصل فى أى سن , إلا إنها شائعة فى سن الثلاثينات والأربعينات .

البلوغ المبكر , يعنى كل ماكانت البنت سنها صغير وقت البلوغ , بتزيد عندها الأورام الليفية .

السمنة , زيادة الوزن بتزود فرصة الإصابة بيها تلت أضعاف , يعنى اللى وزنها زايد أكتر عرضة للإصابة بتلت مرات من اللى وزنها طبيعى ,وكل ما قل الوزن قلت فرصة الإصابة .

النشاط الهرمونى , الأورام الليفية أصلا اللى بينشطها الهرمونات_الأنثوية , فبالتالى بتتأثر بالهرمونات , يعنى مثلا بتكبر أثناء الحمل , وتختفى لما المرأة تيأس من الحيض .

النظام الغذائى , ثبت إنها بتزيد فى النساء اللى بياكلوا لحم أحمر كتير , وبتقل فى النساء اللى بياكلوا خضروات كتير فى نظام أكلهم .

يعنى أورام الرحم الليفية ممكن تختفى لوحدها ؟

أها , غالبا بتختفى من نفسها بعد إنقطاع_الحيض , وأوقات ندى المرأة علاج يدخلها فى يأس صناعى مؤقت , فالأورام تختفى , لكن فى الحالة دى , إيقاف الحيض المؤقت ,مفيش ضمان إنها مترجعش بعد توقف العلاج طبعا .

طيب , إيه أعراضها ؟

أوقات كتير مبيكونش فيه أعراض , والمرأة متعرفش إن عندها أورام ليفية إلا بالصدفة , يعنى ممكن مثلا تكون عندها الأورام وهى فى ثانوى , ومتكتشفش ده إلا لما تتزوج عند أول فحص نسا , أو لما تحمل , عند أول سونار , إنما برضه ممكن يكونلها أعراض

غزارة الحيض وطول مدته .

النزف بين الدورات .

ألام الحيض الشديدة .

المغص .

الشعور بالإحتقان وعدم الراحة فى منطقة الحوض .

ألام أسفل الظهر .

الأمساك .

كثرة التبول .

ساعات الأورام يكون حجمها كبير جدا , فتسبب تضخم فى البطن يدى صاحبتها مظهر الحامل , حتى لو هى آنسة ممكن يبقى شكلها حامل فى السادس!!

الشعور بالألم أثناء العلاقة الزوجية .

هل أورام الرحم الليفية لازم تبقى موجودة جوه الرحم ؟

لأ , الأورام الليفية ممكن تبقى فى أى حتة , جوه الرحم , فى عنق الرحم , أو حتى على جدار الرحم من الخارج .

هل الأورام الليفية ممكن تتحول لسرطان ؟

لأ , الأورام الليفية مش بتتحول لسرطان , دى أورام حميدة تماما , وعادة بتختفى من نفسها لو المرأة إنقطع عنها الحيض .

طيب هل اللى جالها أورام رحم ليفية ممكن يجيلها سرطان بعد كده ؟

الأورام الليفية ملهاش علاقة بالسرطان الرحمى لا من قريب ولا من بعيد , يعنى لا بتتحول لسرطان ولا بترفع فرصة الإصابة بيه ولا تعرفه أصلا , فرصة اللى عندها أورام ليفية فى حدوث سرطان_الرحم شبه فرصة اللى معندهاش أورام ليفية .

هل الأورام الليفية ممكن تنمو بسرعة خلال وقت قصير ؟

سرعة نمو الأورام الليفية فى الرحم , ملهاش كتالوج , يعنى ممكن الورم ينمو فى خلال سنوات علشان يبقى ممكن رؤيته أصلا , وممكن ينمو فى خلال أسابيع , عادى جدا , وممكن يفضل ثابت على حجمه سنين , وفجأة يكبر بسرعة جدا , وممكن ينمو لحجم معين ويفضل ثابت عليه طول العمر , وممكن حجمه يزيد شوية ويقل شوية , مفيش كتالوج فعلا .

طيب , هل أورام الرحم الليفية بتجيب عقم ؟

الأورام الليفية فى الرحم فى حد ذاتها مش بتمنع الحمل إلا فى حالة كونها كبيرة الحجم جدا فشاغلة فراغ الرحم وقايمة بدور اللولب , أو موجودة فى عنق الرحم وحجمها كبير فشبه قافل عنق الرحم ومانع أو مصعب وصول السائل المنوى لتجويف الرحم ,ولو إن دى برضه نسبتها مش عالية فى منع الحمل إنما ممكن , إنما لو هى حجمها صغير , ومش قافلة عنق الرحم , متمنعش الحمل ومعظم صاحباتها بيحملوا وهى موجودة عادى جدا , 10 % من مريضات الأورام الليفية فقط هما اللى ممكن أورامهم تمنع الحمل .

طيب, هل الأورام الليفية فى الرحم لها مضاعفات ؟

لو حجمها صغير , ومش مدية أعراض , ملهاش مضاعفات ولا حاجة , إنما لو حجمها كبير ومسببة أعراض شديدة , فطبعا ممكن يكونلها مضاعفات

الأنيميا نتيجة غزارة الحيض والنزيف المستمر .

صعوبة حدوث الحمل لو كانت كبيرة ومالية فراغ الرحم زى ما قلنا .

الإجهاض أو الولادة_المبكرة , برضه لو كان حجمها كبير .

مشاكل إجتماعية بين الزوجين نتيجة الألم اثناء العلاقة الزوجية اللى ممكن يخلى الزوجة تمتنع عن العلاقة تماما أو تخاف منها .

الأعتماد على المسكنات , نتيجة إن المرأة ديما حاسة بمغص وألام فى الحوض والضهر وعمالة تاخد مسكنات بإستمرار.

مشاكل فى الجهاز_الهضمى والبولى نتيجة ضغط الأورام دى على المستقيم وعلى المثانة .

طيب هى أورام الرحم الليفية بتتشخص إزاى ؟

بالأعراض .

بفحص البطن والحوض من الطبيب (جس البطن) .

بالفحص النسائى .

بسونار البطن , ولو إنه برضه أحيانا بتكون صغيرة جدا فمبتتشافش بالسونار .

سونار المهبل .

الأشعة المقطعية .

أشعة الرنين_المغناطيسى .

أشعة الصبغة للرحم .

منظار البطن .

منظار الرحم .

الاورام الليفية اسبابها وطرق علاجها

هل الأورام الليفية لازم تتعالج ؟

لو الأورام_الليفية مش مسببة أى أعراض ولا عاملة أى مشاكل من أى نوع ولا صاحبتها حاسة إنها موجودة أصلا , خلاص , خليها موجودة عادى جدا , إنما طبعا لو فيه أعراض أو مشاكل جوهرية من وجودها , فلازم تتعالج .

طيب ولو هتتعالج , بتتعالج إزاى ؟

تتعالج إزاى ده بيتحدد على أساس عوامل كتير

مكانها .

حجمها .

المشكلات الناتجة عن وجودها .

سن صاحبتها .

رغبة المريضة فى الإنجاب من عدمه .

لأن طرق علاجها واختيار طريقة منها بتتوقف على كل الحاجات دى , مفيش طريقة علاج واحدة تنفع لكل الحالات , يعنى مثلا من طرق العلاج:

إستعمال المسكنات والتأقلم مع الحالة مع إستعمال مكملات غذائية للوقاية من الأنيميا بسبب غزارة الحيض .

إستعمال موانع الحمل الهرمونية .

الإستئصال الجراحى للأورام الليفية فقط .

استئصال الرحم نفسه بأورامه .

يعنى زى ما حضراتكم شايفين , كل واحدة ولها اللى يناسبها على حسب ظروفها وحالتها

فوائد مغلي أوراق الجوّافة ما يلي :-

•منشّط لوظائف الكبد و علاج الإسهال.

•تفتيت حصى الكلى.

•علاج الربو فينصح المرضى بأن يشربوا هذا المغلي لمدّة أربعين يوماً.

•علاج لالتهاب الأذن الوسطى.

•لها العديد من الفوائد على الجهاز الهضمي، منها تحفيز إنتاج الإنزيم الخاص بالهضم، وكذلك تقوم بقتل البكتيريا الموجودة في بطانة القناة الهضمية.

•علاج فعال للتقيؤ، والغثيان، ومهدئة لآلام المعدة.

•الحماية من العدوى البكتيريا، وتحدّ من التهاب الرحم و تساعد على علاج التهابات الأذن.

• تقي خلايا وأنسجة كل من البنكرياس، والكبد، والكلى من الإصابة بالسموم.

•تحافظ على نسبة مادة الهيموغلوبين في الدم.

•تخلص الجسم من الخلايا الميتة، والأنسجة التالفة وخاصة في عضوي الكبد والكلى.