ماهى خطوات الالتزام للمسلم ان المسلم ليس مجرد ديانة او صفة ترتبط بالشخص لكن هى خطوات يتخذها لينعم بالقرب الى الله
الالتزام =الاسلام=التدين
أن أكون مسلم. يعنى أكون ملتزم ومتدين 
هذه مجرد خطوات بسيطه للالتزام اتمنه الاستفاده
وهي مجرد معلومات في الدين وكيفيت الالتزام
المحتويات
ماهى خطوات الالتزام للمسلم
نبدأ بسم الله
سنة أولى التزام ..
1 – ( الصلا ) صلاة كل الفروض في مواعيدها قدر الإمكان .
2 – ( القرآن ) قراءة جزء واحد يوميا اليوم فيه 24 ساعه خد
منهم ساعه واحده للقرآن في اي وقت يعجبك وقولي بعدها
احساسك ايه 
ده غير ان الحرف بحسنه والحسنه بعشرة امثالها والله يضاعف
لمن يشاء – حسنات ملهاش عدد اللهم بارك
3 – ( الاذكار ) حياتنا ملهاش معنى من غير الاذكار بتبارك في
يومنا وبتحمينا من اي مكروه بأمر الله
في كتاب اسمه (حصن المسلم ) هو سعره رمزي جداا بس صدقني
هيغير حياتك تماما ، فيه كل الاذكار اللي بتدور عليها
الصباح ، المساء ، النوم ، الاكل ، الشرب ، اللبس ، وغيرها كتير
او نزل من على الموبايل برنامج اسمه Hisn Almuslim 
4 – ( الاستغفار ) مش هتكلم كتير عن الاستغفار لان لو اتكلمت
الكلام هيخلص ومش هعرف اوفيه حقه بس هقولك حاجه
الاستغفار هو السر ! ايووون سر اي حاجه بتتمناها هتلاقيه في
الاستغفار
هنبدأ ب 100 استغفار في اليوم ع الاقل وانت وهمتك بقى
5 – ( ذكر الله ) طبعا كثرة ذكر الله سر التوفيق في كل حياتك
وبردو مش هتكلم كتير ،بس هقولك جرب بنفسك وانت تدعيلي
هتختار ذكر معين زي مثلا ” الحمد لله ” قوله ع الاقل 100 مرة في
اليوم وبردو انت وهمتك – وكل يوم هتغير الذكر وقولي بقى
على اللي هتحس بيه كل يوم
6 – عايز تحفظ القرآن ومش عارف جبتلك الحل يا سيدي 
هتحفظ كل يوم آيتين بس وتسمعهم كويس من الشيخ اللي بتحبه
ويسلام بقى لو تصلي بيهم منها تأكد حفظك ومنها تستشعر
الخشوع في الصلاة
وقابلني بعد 3شهور بس وقولي حفظت كام جزء 
7 – الرسول (صلى الله عليه وسلم ) 
صل عليه ياعم
صل عليه ياعم(صلى الله عليه وسلم ) طب صل كمان مرة (صلى الله عليه
وسلم )
مش نفسك تبقى عارف كل حاجه في دينك ؟ مش انت بتقول انك
واخد الرسول( صلى الله عليه وسلم ) قدوة ؟ طب قدوة ازاي بقى
وانت مش حافظ غير كام حديث من ايام المدرسه وكمان مش
فاكرهم بالنص 
!
!خلاص خلاص متعيطش هقولك الحل :-
( كتاب اسمه الاربعين النوويه ) سعره رمزي جداا هتجيب الكتاب
ده وتحفظ منه كل يوم حديث واحد وقابلني بعد 40 يوم وقولي
احساسك ايه 
واستمر على كده لحد متحفظ (صحيح البخاري ومسلم )
بس لو بقيت عالم من علماء الاسلام ابقى افتكرني بدعوة
واشفعلي يوم القيامه
8 – ( قيام الليل ) أجمل قصص الحب تبدأ بعد منتصف الليل
حين يخلو كل حبيب بحبيبه – حبيببك بينادي عليك كل ليله ،
هاه مش عايز تروح لحبيبك
ركعتين قيام هيغيروا كل حياتك جرب وقولي
جرب وقولي ..
دى كانت خطوات سنه اولى التزام أتمنى من الله ان تستمروا
عليها وتزودوا كل اسبوع عليها :-
يعني مثلا
– أول اسبوع هصلي بسنة الفجر وباقي الفروض
– ثاني اسبوع هزود سنة الظهر وباقي الفروض
– ثالث اسبوع هزود سنة المغرب
– رابع اسبوع هزود سنة العشاء
وكذلك في القرآن والاذكار والاحاديث والقيام 
وقابلوني بعد شهر وقولولي ( كيف حالكم مع الله ) !
!لو استفدت بأي معلومة أدعيلي دعوة بظهر الغيب وشير وفيد غيرك
واعتبرها صدقة جارية ليك
وخلي شعارك من اللحظة دي ..
” و عجلت إليك ربي لترضي ”
