المحتويات
- 1 ابيات شعريه عن الغزل يا أول من يدينه تسعد إيديني
- 2 يضيق الكون في عيني
- 3 يا ليِنها والرياح أخاف توجعها
- 4 حظ الحَمامة تلقط الحب وتحب
- 5 كنها من حلاها كل ليلة عروس
- 6 انتظرتك عمري كله وأنتِ حلم
- 7 ما سألتوا صاحب النظرة الخجولة
- 8 مري شمال إن كان ودك تمرين
- 9 تعال لملمني من أقصاي لا هنت
- 10 ألا يا وجودي وجد من شاف ما يكره
- 11 غردي بالحب يا لحظه هواي
- 12 لك أيام وتبخل في دقيقة
- 13 والله إنّي مفارق شعر الغزل
- 14 تكفيني النظرة
- 15 خسارة
ابيات شعريه عن الغزل يا أول من يدينه تسعد إيديني
قال خالد المريخي:
يا أول من يدينه تسعد إيديني
-
- جهلت الحزن كله بعد معرفتك
طفولة وجهك النيّر تخليني
-
- أبو كل ابتساماتك إذا شفتك
كفها الناعم مثل ريش النعام
-
- وريقها منبع من أطراف النحل
عنقها بينه وبين الصدر عام
-
- عينها من ربها رمش وكحل
والدفى ضمة وليفٍ ما يخون
-
- لا همس مشتاق لك ثم ضمني
ولا تجرّأ قلت في قلبي يمون
-
- وكل منهو لامني ما همني
يا لينها والرياح أخاف توجعها
-
- الي اليا من تمشّت كنها تعاني
يضيق الكون في عيني
قال علي الزهراني:
يضيق الكون في عيني وأشوفك في عيوني كون
-
- أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
-
- أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
-
- أحبك في ابتسامة طفل إذا ناديت يا شاطر
أحبك يا صدى صوتن بحاسيس الهوى مشحون
-
- أحبك يا ربيع أخضر أحبك يا شتا ماطر
أحبك لذة السكر أحبك ريحة الليمون
-
- أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
-
- أنا لا جيتك الأول يصير الكون لك آخر
حقيقة رمشك الفاتن حقيقه قلبي المفتون
-
- أنا من كثر ما أحبك أردد دوم ياساتر
يا ليِنها والرياح أخاف توجعها
قال خالد المريخي:
يا لينها والرياح أخاف توجعها
-
- الي اليا من تمشّت كنها تعاني
احجاجها خنجرٍ والعين موسعها
-
- تبّشر أهل الفضول بموت مجاني
جتني تهزع وموتي من تهزعها
-
- شبعان فوقيها والخصر جيعاني
ابشر بقلب ما يبي غير طرياك
-
- وابشر بعين ماتبي غير شوفك
وابشر بحب لو قسى الوقت يرعاك
-
- وابشر بروح من غلاها تحوفك
ابشر وكل اللي تبي يا الغلا جاك
-
- أمر عسى درب المنايا يعوفك
ياصاحبي يشين وقتي بلياك
-
- لا صار ما ينطق لساني حروفك
أن غبت عني يذبح القلب فرقاك
-
- وأن جيت يمي عانقتني طيوفك
امشي بكيفك على شان دنياك
-
- وأساير أيامك وأقدر ظروفك
حظ الحَمامة تلقط الحب وتحب
قال ماجد الشاوي:
حظ الحمامة تلقط الحـب وتحـب
-
- شفـة فتـاة ربهـا اللـي قبلهـا
بنت صغيرة تاخذ العقـل والقلـب
-
- تلعب مع فرخ الحمامة وتلهـا
جاها الغريب وقال يا مطعم الحب
-
- أطعم غيور غيرته مـا احتملهـا
واقفت لأهلها تلعن الطير وتسـب
-
- مدري زعل ولا غضبها زعلهـا
هذا وأنا لأنـي متيـم ولا صـب
-
- لا شك روحي غردت مـن هبلهـا
والروح لا طربة ترى مالها طـب
-
- غير القصيـد اللـي يـروح مللها
والقلب لا شاف التعاجيب يعجـب
-
- والنفـس عيـت لا تخلـي زللها
والعين صدتها عن الزين يصعـب
-
- وأنا ادري إنه يا ملا مـن جهلهـا
ياهل الجمالة خبرو حلـوة النـب
-
- اللي حمام الورق يهـوا غزلهـا
قولو لها ليه أهل الهوى مالهم رب
-
- لا جاورها تشتكي هـم لأهلها
كنها من حلاها كل ليلة عروس
قال متعب التركي:
يوم طاب السهر عيت تطيب النفوس
-
- جت من الله وأنا كم كنت محتاجها
كنها من حلاها كل ليلة عروس
-
- خايفة من عيون الناس وإحراجها
حي هالطول يا زولٍ عساه محروس
-
- من عبث لوعة الأيام وإزعاجها
تزعل نفوس ولا تمتلي غيض روس
-
- من يقرب لها وضلوعي سياجها
لي متى وإنت يا شوق القلوب محبوس
-
- طالت السالفة وأبطيت بعلاجها
جعل قلبن على نار الغياب محموس
-
- يحترق بين صاليها ووهجها
من خبر له غلا بين الضلوع مغروس
-
- غرسةٍ كل أبو شعري من إنتاجها
لا تقرب لك الفرقا هذيك الهاجوس
-
- من متى والبحور تفارق أمواجها
لازم أصبر على وجه الزمان العبوس
-
- لين سود الليالي يضحك أحجاجها
من بغى يقطع الفرجة يعاف الجلوس
-
- لين ياصل نهايتها ومخارجها
كان شعري قصر ما طال شمس الشموس
-
- تستريح القصايد داخل أدراجها
انتظرتك عمري كله وأنتِ حلم
قال الأمير بدر بن عبد المحسن:
- انتظرتك عمري كله وإنتِ حلم
- ومرت الأيام والله وانتي حلم
- ليه تأخرتي علي
- توهي مرة واسألي
- كوني في غير الزمان والا في غير المكان
- كوني عمري عمري كله
- اللي باقي واللي كان
- انتظرتك عمري كله وانتي حلم
- كل نجمة شعشعت والقلب عتمة كانت أنتي
- كل حرفٍ حرك شفاهي بكلمة عنك أنتي
- وكل حبي اللي مضى والحب قسمة منك أنتي
- كانوا الأحباب ظلك بعض إحساسك ونورك
- ما عرفتك يوم كلك ياللي في غيابك حضورك
- انتظرتك عمري كله وأنتي حلم
- هذا إنتي قولي والله إنه إنتي
- وين غبتي عني هذا الوقت كله
- وين كنتي
- شيبت عيني طيوفك وما أصدق إني أشوفك
- ياللي قلبي في كفوفك نقش حنا
- وفي جديلك عطر ورد
- أتمنى لو تكوني في فراغ عيوني وعنى
- وفي سموم ضلوعي برد
- ليه تأخرتي علي
- وما طرى لك تسألي
- ليه تأخرتي علي وما طرى لك تسألي
- انتظرتك عمري كله عمري كله وإنتي حلم
ما سألتوا صاحب النظرة الخجولة
الأمير عبد الرحمن بن مساعد:
ما سألتوا صاحب النظرة الخجولة
-
- كيف يسهرني وله وجهٍ صبوح
كيف يظلمني وله طهر الطفولة
-
- كيف يسكنّي وهو دايم يروح
وكيف أنا ألقى ربيعه في فصوله
-
- دام كذبه صادق وصدقه مزوح
له صفاتٍ تورد العاشق ذهوله
-
- مستكين وصامت وكله جموح
أصعب الأشياء وأكثرها سهولة
-
- أغمض الأشياء وأكثرها وضوح
سهل تغرم به وصعب إنك تنوله
-
- غامضٍ في طبعه وواضح في الجروح
أسعد بشوفه ولكن ما أطوله
-
- كنّي الوادي وهو أعلى السفوح
يبتسم لا منهم عنّي حكوا له
-
- ولا حكوا لي عنه أعماقي تنوح
لي بقلبه شيٍ لكن ما يقوله
-
- وله بقلبي كلّ لكنّي أبوح
كنّه الغيمة وأنا أرجي هطوله
-
- ما نزل غيثه ولا برقه يلوح
ما عرفتوا ليه تسهرني فعوله
-
- وليه يسكنّي وهو دايم يروح
هو يبيني بس أطباعه خجوله
-
- وما يبي أغفى وهو وجهه صبوح
مري شمال إن كان ودك تمرين
قال عبدالله الطفيلي:
مري شمال إن كان ودك تمرين
-
- مري على قبري وشوفي محلّه
وإن كان ودك فوق قبري تصلين
-
- ليا سجدتي فلي الراس كله
أشم ريحة مثل ورد البساتين
-
- وجسم كلاه الدود وصلك يبله
وعند الوداع اكتبي على القبر حرفين
-
- مرحوم يا الي صاحبه ما حصل له
تعال لملمني من أقصاي لا هنت
قال عبدالله الطفيلي:
تعال لملمني من أقصاي لا هنت
-
- واجمع شتاتي في اليدين العرايا
شف حالتي من جمرة الشوق ما نمت
-
- أرقب صباحاتك تزف الهدايا
وتكشف أوراقك وتخرج عن الصمت
-
- وتشوف حبي من جميع الزوايا
ألا يا وجودي وجد من شاف ما يكره
قال محمد بن عباد:
ألا يا وجودي وجد من شاف ما يكره
-
- من أعز من يمشي على الأرض في باله
عطاه الحقوق مكملة وآمن مكره
-
- وجحد ما عطاه وصد واقفا على ماله
ياتل قلبي تل حبل على مكره
-
- قطعة المدى وأنت من فوق محالة
ويا زوع قلبي زوعة الطير من وكره
-
- صفق بالجناح وعارض الجول وأشغاله
يا لجتي لجة ثلاث على بكره
-
- عن انتظارهن صدوا بها وقت الهالة
على الصاحب اللي ماخذ من الغلا شكره
-
- وعلى عرش قلبي بين الأضلاع منزاله
له الروح من بد المخاليق محتكره
-
- لهم حب في قلبي وهو حبه لحاله
ليا قلت أبي منك الوفاء قال لي بكره
-
- وقفا الزمان وراح والحالة الحالة
غردي بالحب يا لحظه هواي
الأمير خالد الفيصل:
غردي بالحب يا لحظة هواي
-
- والعبي تطريب يا نجمة سماي
واحظني خفقات قلبي لو يطير
-
- ولجمعي رقصات فلاحي في خلاي
أزد هم في صدري الشوق العظيم
-
- والهوى في قلبي أبعد من مداي
فيني أكبر من غرام العاشقين
-
- والأمل يسبق من الفرحة رجاي
إنت الدنيا إذا عاد الزمن
-
- وأنت الحسرة إذا جاني بلاي
وأنت الما في حياتي والهول
-
- أنت أرضي والوطن أنت سماي
وأنت أجمل لحن غنيته طرب
-
- وأنت الحب الذي يملأ فضاء
لك أيام وتبخل في دقيقة
قال نواف بن فيصل:
لك أيام وتبخل في دقيقة
-
- أجل وشلون لو كانت ثواني
بخيل بالعطا ما هي طريقـة
-
- واحد مرتاح والثاني يعاني
تعال وفك من هالصدر ضيقه
-
- تعال ولا تفرط في حناني
أنا مليت إذا تبغي الحقيقة
-
- ولا ودي بغيرك حب ثاني
ترى مـــال للعشيق إلا عشيقه
-
- ترى ما تسعـدك إلا أحضاني
لك أيامي وتبخل في دقيقة
-
- أجل وشلون لو كانت ثــواني
والله إنّي مفارق شعر الغزل
والله إني مفارق شعر الغزل
-
- بس من شفتك وأنا ببحره غريق
كامل الأوصاف والحسن اكتمل
-
- كملك ربي وخصك بالخليق
من كحل عينك عيوني تكتحل
-
- وأن تناظر بي يجي بعيني بريق
القمر وإن شاهدك غاب وأفل
-
- يستحي في محجر عيونك يويق
صورك ربي سبحانه وجل
-
- تاج زين الكون بك وحدك يليق
القصايد كلها لك والجمل
-
- تستحق الشعر دامك تستذيق
ياصلك شعري وأنا مابعد أصل
-
- كل ما أقدم دروبك لي تضيق
ارتويت الشعر فيني للثمل
-
- وصرت أهوجس في قصيدي وأستريق
ليتني يا زين في عمر الجهل
-
- وليت ربي ما جعلني لك عشيق
قبل أعرفك كنت مو هاوي غزل
-
- ومن عرفتك شب في قلبي حريق
تكفيني النظرة
لأني لقيتك في خفوقي ولأنك
-
- نفس الغرام اللّي توارد ضنينك
تكفيني النظرة اللّي جات منك
-
- ويكفيني من العمر لمسة يدينك
ويكفي عيوني لا فقدتك يحنك
-
- ويكفي أشوف إحساس قلبي بعينك
ظنك يرحل لا قسى الوقت ظنك
-
- أنسى شعوري والخلايق تدينك
والله مهما قالوا الناس عنك
-
- ومهما قسى وقتي وشحت سنينك
تبقى محلك داخل الروح كنك
-
- نبضة خفوق أحييت زوايا حنينك
خسارة
أنا من بعد هجرانك أبنوي أهجر احساسي
-
- أبطوي صفحةٍ في كتاب عمري ما قريتيها
أبخفي كرسي الشّاهد على ظلمج وكراسي
-
- أبحرق كل أوراقه ويعْلج ما طفيتها
كفا يا بنت من حبٍ حبسلي باقي أنفاسي
-
- أقسى وأقسى خفوقٍ، خفْقته إنتِ حيّيتيها
أببعد لو يلوموني في بعدج ربعي وناسي
-
- أبَبْعد خطوةٍ سهلة، وصعب إنّج فرضتيها
وبحسب باقي الأيام من عمري وهوجاسي
-
- ترى موتي دنا، وإنتِ خسارة ما حسبتيها
خسارة إنّي كتبت الحبّ باسمج وانحنى راسي
-
- وأنا ما قد حنيت الرّأس إلّا للْمسويها
أحبّك من هنا لآخر محطّات الغلا لهناك
-
- أحبك كثر ما يهوى رضيع الصّدر غفواته
أحبّك يا بعد كل الحروف وعلّها تفداك
-
- أحبّك يا بعد بيت القصيد وكلّ غاياته
أحبّك يا بعد عمرٍ قضى منّي على ذكراك
-
- أحبك يا بعد من داج بالدّنيا بخطواته
أحبّك يادفى برد السّنين إليّا غفت بحماك
-
- أحبّك يا أمل عمر الوحيد ويا بعد ذاته
أحبّك يا بعد قلبٍ نزف كل الغلا لرضاك
-
- أحبّك يا بعد كل العيون ونزف دمعاته
أحبّك كثر ما تبرى جروحٍ لامست يمناك
-
- أحبّك كثر ما يلجأ فقير الحال لسكاته[١]